شعر بعنوان ولا يهمك

انشر ظلامك يا ظالم ولا يهمك000 خلاص صلاح الدين مات مين هيلمك

من النيل للفرات ملكك0000ارتوى واشرب واحنا اسقينا سمك
ولا يهمك

لا يهمك صوتنا ولا نوحنا احنا خلاص خرس000لو عاوز غزه ملكك لوعاوز تعيش فى القدس

لو عاوز تدبح وتقتل او من دمانا تمص000مش هتلاقى فينا نخوه غير عيون بتبص

وانت عارف كنا بنحارب عشان القدس000اصبحنا نطالب بربع الخمس

ولا يهمك

لا يهمك قررات ولا هتفات ولا غيرو000اللى مش عجبك غيره وجيب غيره

خلاص معدناش بنحس ولا بنغيروا0000احنا بنقول كلمتين هيتسمعوا ويطيروا

ولا يهمك

ارفع رياتك على صوتك مين كدك000اهدم بيوتنا وابنى عشك

اقتل ودمر كل شى فى وشك000ولا يهمك اسمع كلامى انا اغش اخويا ولا اغشك

ولا يهمك

اليوم يومك والقرار قرارك000 تقتل وتضرب وتحرق بنارك

وهات خنازيرك وافرض حصارك 000واللى مش عجبه يمشى من جارك

ولا يهمك
اقتل اطفال رمل نساء اضرب شيوخ000اطلق رصاص اوقنابل او صاروخ

مبقاش باقى منا غير وش منك منسوخ000او تاريخ مكتوب فوق جدار مشروخ

ولا يهمك

لوسمعت فى يوم صوت اعرف انه مش صوتنا000بس لوسمعت اه اوالم اعرف انه صوت امتنا

لو لقيت زرع اخلعه لو لقيت بيت اهدمه مش بيتنا00احنا خلاص مش عيشين احنا خلاص متنا

ولا يهمك

لا يهمك مجلس الامن ولا فيتو ولا عهود000اخلط ارضى على ارضك وشيل كل الحدود

وخد غنمى وكلها وهات بدلها اسود000ولو لقيت اسمى او رسمى امحيه من الوجود

ولا يهمك

العيب مش فيك العيب فينا 000انت اقتل واشتم واحنا هنقتل فينا

حتى ترخنا وامجدنا خلاص نسينا000 مبروك عليك انت زرعت الخوف فينا

ولا يهمك
محمود ذكى