ااااااااااااااه يا بلد تانى

كتبوا كتابك يا عروسه وعلقوا رايه

شعب وحاكم وثوره و قصه فى روايه

قالوا الشيب شيب الراس بس انا شيبى جوايا

لاموا عليا لما قلت ااااه يا بلد

طيب ااااااه يا بلد تانى

حبك فى جسمى مرض بيجرى فى شريانى

يا تره ده صوت ادان فجرنا ولا صراخ اوطانى

ان الاوان نبتسم ولا ده ميلاد احزانى


اعزرونى انا مش استاذ سياسه وخطابه

انا واحد زى ميت مليون واحد من الناس الغلابه

انا شايف وشوش غريبه مكاره وكدابه

ده مش حزن ولا نكد ولا كئابه

طيب بصو معايا جوه الصوره

ادى الثوره بصو وشوفوا ناس مسعوره

ده يسارى وده شيوعى وده ربرالى وده اخوانى

بصو تانى يا اخوانى



الكل بيجرى على الكرسى وياريته كان دايم

اللى مكنش فى الثوره واللى كان ضددها واللى كان نايم

ومش عوزنى اقول ااااااااااه

امال اقول ايه ؟

وانا شايف زى ما يكون فى النص وليمه

اللى يدبح واللى يقطع واللى بيصنع جريمه

كل الوشوش اتغيرت اللى كانت بيضه صفيه اصبحت لائيمه

لا هقول ااااااااااه

اااااااااااااه يا بلد اااااااااااااااه

الاوله اااه والتنيه اااااااااه والتلته ااااااه وميت مليون الم

الاوله اااااااااه وثوره حره وشهيد مات ورافع علم

والتنيه ااااااااه ودى نهاية اللى نهب واللى خان واللى ظلم

والتلته ااااااااه فى كل اغانى الست واشعار شوقى وكل ريشه وقلم

الاوله اااااااااااااااااااااه والتنيه اااااااااه والتلته اااااااااه

بقلم محمود زكى









[code][img]https://www.facebook.com/photo.php?fbid=213060982060005&set=t.100000848007634&type=1&theater[/img]

[url][/url][flash][/flash]

جميله جدا يا محمود والله و فعلا الاوله اه و التانيه و التالته ان شاء الله بسم الله