برديس

أهلا وسهلا بك زائرنا الكريم,

أنت لم تقم بتسجيل الدخول بعد!

يسعدنا أن تقوم بالدخول أو التسجيل إذا رغبت بالمشاركة في المنتدى

برديس وأخبارها ومعلومات عنها و الخدمات العامة لإهلها و إسلاميات و رياضة و فن و أدب وعلوم وتكنولوجيا وسياحة و سياسة محلية و عالمية و أسخن وألمع الحوارات و الإنفرادات

المواضيع الأخيرة


حدوته مصريه

شاطر
avatar
محمود زكى المعناوى

عدد المساهمات : 53
نقاط : 146
السٌّمعَة : 7
العمر : 36

حدوته مصريه

مُساهمة من طرف محمود زكى المعناوى في الجمعة 18 مارس 2011, 12:21 pm

حدوته

طفلك نزل يا بهيه غطيه بالفوطه
نازل بيضحك مش بيصرخ سمعونا زغروته
حدوته حدوته هى دى الحدوته حدوته انتهت وبدت حدوته
حدوته انتهت كان عنوانها رعب وحدوته ابتدت عنوانها هو الحب

بهيه على الترعه بتتوضا وتتحما وجوزها كان فاسد لا صلى ولا سما

تاريخ اسود وانيابه مسمومه وبلدى زى العسل والناس زى النحل حوليه ملمومه

ناس تاكل وتضرب وناس تخطف وتهرب وناس عايشه و محرومه

ناس تاكل وتقرص وناس غاويه ترقص وناس عايشه ومهمومه




ناس تاكل ما تشبع وناس من دمانا ترضع وناس لقمتها مسمومه

غنى يا عندليب واطربينا يا سومه والثوره قامت والمعركة محسومه

يعنى ايه يا بهيه يعنى ايه الضربه الجويه

يعنى اتحرم من احلام الطفوله البريئه يعنى اخاف اقول الحقيقه

يعنى ضميرى مات ومختش عزاه يعنى اتهان وانضرب ومقولش ااااه

يعنى ازرع الزرع بايدى ومكلش خيره يعنى اتولدت فى وطن وعيش فى وطن غيره

علمتونا فى كتبكم حب الوطن اعظم عباده واللى يموت علشانه هى دى اعظم شهاده

اكتشفنا لما كبرنا انه فى عبيد وساده

طيب علمتونا ليه نهتف بناشيد الصباح وكل يوم تقولوا اللى جاى احسن من اللى راح

سالونى لما كنت صغير نفسك تكون ايه لما تكبر؟

قلت مهندس ظابط او طبيب؟
اللى حصل شىء تانى عجيب!!!
بعد سنه وتنين وعشره وعشرين*
لقيت نفسى نايم على الرصيف وحلمى نايم معايا
وحلمى اللى كااااااااااااان حلمى مات جوايا

يعنى ايه معنى الطفوله فى نظركم عرفونا
يعنى اخاف واترعب ولو نطقت تضربونا
وحد سالنى وقالى ؟
هى الورده نايمه على الشوكه ؟ ولا الشوكه مغروسه فى الورده؟
هما البشر غير البشر ولا القلوب فاسده؟
ولا القلوب فاسده؟ ولا القلوب فاسده؟


تاليف محمود ذكى
تحيا مصر

    الوقت/التاريخ الآن هو السبت 15 ديسمبر 2018, 3:25 am