حوار بين اتنين سمعهم تقيل

السلام عليكم

تخيلوا لو اتنين سمعهم ثـقيل اتكلموا مع بعض!! . ايه اللي ممكن يحصل ؟



تعالوا نشوف اتنين من دول، واقفين

على محطة الاتوبيس ودار بينهم الحوار ده:

الأول : الاتوبيس ده بيروح مــصر الجديدة؟

الثاني : على الحديدة !... ليه انت طالب احسان

الأول : بذرة الكتان ! لا ..دي تلاقيها عند العطار

الثاني : جزار! اه ..قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين ! لا و .. ماعرفوهش

الأول : ما بتشربوش! ليه ..كفا الشر

الثاني : رأس البر !!! ..ده مــصيف هادي

الأول.: عايز تركب للمعادي... دي منطقة جميلة

الثاني : بليلة !! انت شكلك كده جعان

الأول : عيان!!! أي و .انت باين عليك عيان ..طيب ما تروح للدكتور

الثاني: الحنطور!! ده احسن من الأتوبيس ، وبيوصلني لحد الباب

الأول : هبــــاب ! وانا اللي كنت فاكرك محترم

الثاني : اتخـرم !! هو مين ؟؟

الأول : عاوز اسـبرين ! ليه انت عندك صداع ؟

الثاني : قراع !!ينهار اسود . ده مرض خطير

الأول : لا و مش عايز. وبعدين مش بأحب الفطير.

تقيل على المعدة وتمنه غالي

الثاني: خالي.. انت تعرف خالي ؟ ده راجل كبير في السن

الأول : الجن .. نهارك مش فايت ..انت عليك عفريت .!؟

الثاني : لا و ..ممعاييش.. انت عايز الكبريت ليه . عايز تولع؟

الأول : أدلع ! أدلع عليك انت!؟ انت ما تملاش عنيا

الثاني :يقبضوا عليا !! ليه !؟

الأول : انت غريب يا راجل انت..شكلك شحات

(يدفعه من القميص) روح اشتغل شغلة تاكل منها عيش

الثاني : خيش!! و ده صوف انجليزي

الأول: بنتك زيزي!!! ربنا يخلي...

الثاني : أنتاج محلي .!!!! ده مستورد

يمر شاويش من بتوعنا ... يلفت انتباه الحوار،
: بتعمل ايه يا جدع منك له!!!

الاتنين: ايوة يا شاويش ...احنا مستنين الأتوبيس

الشاويش :! نهاركم مش فايت .... جواسيس!!!
قدامي
تحياتى لكم