تنفس صناعى

تنفس صناعى
إذا كنت مصاباً بضعف الذاكرة لأنك لا تكثر من أكل المكسرات، أو لم تكن مقيماً معنا طيلة الثلاثين سنة الماضية، أو لأنك تحتاج لمن يذكرك لأن الذكرى تنفع المؤمنين، فدعنى أنقل لك إجابة بديعة على هذا السؤال


تنفس صناعى


30 سنه بتنفس تنفس صناعى 30 سنه وساكن فى جحر مع العقارب والافاعى

30 سنه الشمس ما زارت شعاعى 30 سنه ما فى حد حـــــس بأوجاعـى

30 سنه وشايل كفنى فوق دراعى 30 سنه حى وميت عيونى مفتوحه بس مش واعى

30 سنه تيهين رعيه بدون راعى 30 سنه بنيتوا فيها قبله للفساد وللظلم الف داعى

ااااااااااااه اااااااااااه وكل ااااااااااه ولــــيــــها مـــــــــعــــــنــــــى

ناس عايشه وسكرانه وناس غاويه ما تسمعنـــــــــا

قتلتوا جوانا الامانى واحلام الطفوله وعلمتونا فى كتبكم ان السكوت اعظم بطوله

عيون كدابه وناس غلابه وايادى مشلوله ناس فى العالى وناس مذلوله

ما بين كل البشر لينا ملامح اللى شبه الملايكه واللى شبه النسر جارح

اللى سكران ومتخدر واللى ناسى يفكر واللى فى الفكر سارح

اللى عيونه فيها كلام وساكت واللى قلوبهم قسيت وماتت واللى عايش مسامح

اللى عنده عشرين سنه بس الملامح شاخت واللى فاشل وعايش واللى ناجح

بس الملامح هى الملامح

محمود زكى
تحيا مصر